Meri ek siskari se..

   Hulchul-si ho aayi hai in hawao me..

Hawao me padi in silwato me..

   Muje teri tasveer-si dikhai de rahi hai..

Anjane suro ki khamosh sargam

   Gunguna raha hu main;

Geeto me mere muje ..

   Teri avaaz-si sunai de rahi hai..

Har tarah -har kadar;

   Sirf tuje pana chahta hu main..

Tujme muje aajkal 

   Meri manzil-si dikhai de rahi hai..

Khwahisho ki baat kare to  

   Doob -marne ki ichha hai..

Ankhe teri mujko 

  Sahil-si dikhai de rahi hai..

Jee utha hu fir se ;

  Ki sans le raha hu..

Ya seene me mere muje

   Teri dhadkan-si sunai de rahi hai..

---------//---------

Kal raat muje guman rah gaya shayaad;

  ya fir wo muje alvida kah gya shaayad..

Zindagi-bhar saath ka vaada to tha us-se mera;

  par is vaade me mujse badhkar use koi or  mil gaya shaayad..

Meri rahguzar me anjaani hawae rokti hai muje;

  Ab main apni had se aage nikal gaya shayaad..

Bahut dino se zor se rone ko dil karta hai;

  Fir se koi apne gum mere naam kar gaya shayaad..

Har guli, chokhto, chouraho se log hanste hai muj par;

  us shaam, us-se mera kalaam, sare -am ho gaya shayaad..

____,,/,,___

Tanhaiyo me hi fursat dhundh lia karta hu;

ajkal har cheej me apne gum dhundh lia karta hu..

"Dil-jala" hu aakhir or kaam bhi kya hai mera..?

kahi-kahi mahfilo ko roshan kar lia karta hu..

Jugnu bhi ab hamraaz hai mere;

Gahe-Bagahe sath unke chamak lia karta hu..

Adna-sa mahsus karta hu jab bhi is dunia me;

Udte parindo ke sath main bhi ud liya karta hu..

Takdeer k dhago ko ulja choda hai is kadar;

jab bhi waqt mile,sulja lia karta hu..

beete waqt ki dhundh me,jam-si gayi hai yaaden;

apne ashko ki garmi se unko pigla lia karta hu.

___,,/,,___