Tanhaiyo me hi fursat dhundh lia karta hu;

ajkal har cheej me apne gum dhundh lia karta hu..

"Dil-jala" hu aakhir or kaam bhi kya hai mera..?

kahi-kahi mahfilo ko roshan kar lia karta hu..

Jugnu bhi ab hamraaz hai mere;

Gahe-Bagahe sath unke chamak lia karta hu..

Adna-sa mahsus karta hu jab bhi is dunia me;

Udte parindo ke sath main bhi ud liya karta hu..

Takdeer k dhago ko ulja choda hai is kadar;

jab bhi waqt mile,sulja lia karta hu..

beete waqt ki dhundh me,jam-si gayi hai yaaden;

apne ashko ki garmi se unko pigla lia karta hu.

___,,/,,___